Lufta e Rusisë në Ukrainë ka bërë që Komisioni Evropian të ndryshojë politikë dhe taktikë duke u fuqizuar më shumë në fushën e mbrojtjes. KE ka prezantuar Strategjinë e re Evropiane të Industrisë së Mbrojtjes si pjesë e masave për t’iu përgjigjur ndryshimeve të sigurisë evropiane pas sulmit në Ukrainë.

Strategjia e mbrojtjes së BE-së vjen si një përpjekje urgjente për të rindërtuar kapacitetin për të shmangur sulmet e mundshme të ardhshme nga Rusia. Ky veprim do të shënojë fundin e strategjisë së mbrojtjes në kohë paqeje të pasluftës në Evropë.

Shefi i politikës së jashtme të BE-së, Xhosep Borrel (Josep Borrell) tha gjatë prezantimit të strategjisë së re të KE se “paqja nuk është e garantuar dhe agresioni rus ka sjellë një urgjence të madhe për të rritur kapacitetet tona të mbrojtjes industriale”.

Nënkryetarja e KE Margrethe Vestager tha se strategjia e re synon të mbështesë një shprehje më efikase të kërkesës për mbrojtje kolektive të shteteve anëtare, si dhe të sigurojë disponueshmërinë e të gjitha produkteve të mbrojtjes dhe buxhetet kombëtare e vendeve të BE-së.

“Strategjia e re të industrisë së mbrojtjes synon përfshirjen e një kulture të gatishmërisë së mbrojtjes nëpër politika, veçanërisht duke bërë thirrje për një rishikim të politikës huadhënëse të Bankës Evropiane të Investimeve këtë vit dhe zhvillimin e lidhjeve më të ngushta me Ukrainën përmes pjesëmarrjes së saj në nismat e Bashkimit Evropian në mbështetje të industrisë së mbrojtjes dhe stimulimit të bashkëpunimit midis BE-ja dhe industria e mbrojtjes e Ukrainës”, tha Vestager.

Programi do të mobilizojë 1,5 miliard euro të buxhetit të BE-së për 2025–2027.