Pekini ka vendosur të përzërë një diplomat kanadez nga Shangai në kundërpërgjigje të një lëvizje të ngjashme nga Kanadaja, e cila përzuri një zyrtar kinez duke pretenduar se ai ishte përpjekur të frikësonte një ligjvënës kanadez i cili ka shprehur kritika për trajtimin që Kina i bën minoritetit mysliman jugor.

Ministria e jashtme kineze, shprehur sërish kundërshti për përzënien e Zhao Wei, të cilin inteligjenca kanadeze e ka akuzuar se ka shënjestruar ligjvënësin Michael Chong dhe familjen e tij.

Chong, një deputet konservator, njihet për qëndrimin e tij kritik për abuzimin me të drejtat e njeriut në kinë.

Diplomati kinez Zhao ndërkohë është shpallur non-grata në Kanada.

“Kina dënon fuqishëm dhe kundërshton me vendosmëri vendimin kandadez. Në kundërpërgjigje kemi vendosur të shpallim non-grata konsullen kanadeze, Jennifer Lynn Lalonde dhe i kemi kërkuar të largohet nga Shangai deri në datën 13 maj“, u shpreh zëdhënësi i ministrisë së Jashtme kineze.

Kanadaja përzë rrallë diplomatë nga territori i saj. Një lëvizje e tillë u ndërmorrë për herë të fundit në 2018-ën, kur Kanadaja iu bashkua më shumë se 20 aleatëve, duke përzënë katër diplomat rusë në kundëpërgjigje të një sulmi me agjent nervor të një ish- oficeri ushtarak rus dhe vajzës së tij që jetonin në Britani.