Në prag të celjes së festivalit të Gjirokastrës ka një shtim të fluksit të turistëve të huaj dhe vendas,të cilët do të përcjellin dhe netët e festivalit për t’u njohur më nga afër me kulturën tonë popullore që vjen nga lashtësia dhe përcillet nga brezi ne brez.Në kala,rrëzë saj por dhe në dyqanet e artizanëve në Qafë të pazarit sot takuam shumë turistë ,qe jetojnë me atmosferën e festivalit .Dy prej tyre të ardhur nga Suedia dhe Brazili janë mrekulluar me kalanë dhe pritshmëritë e festivalit,pasi më parë kanë siguruar dhe informacionet e duhura për qytetin dhe festivalin.
Edhe për artizanët gjirokastrit ashtu si për hotelet,restorantet dhe bujtinat,ritmi i punës është shumë i madh diktuar nga prania e pjesëmarrësve në festival dhe admiruesve të shumtë të artit popullor që vijnë nga brenda dhe jashtë vendit.Artizani Anastas Petridhi thotë se ka nxjerrë nga duart e tij punime enkas për fedtivalin,ku kalaja zë vendin kryesor.
Festivali përveçse një aktivitet i madh kulturor është dhe një shans i madh për zhvillimin e turizmit në qytet dhe shtimin e të ardhurave për bizneset vendase.Qyteti i oranishëm me kulturën e tij në UNESCO me festivalin që do të nisë këtë të shtunë hap një tjetër dritare të vlerave kulturore dhe turistike në të mirë të qytetit dhe Shqipërisë.