Evitimi i vërshimeve të mbetjeve inerte si dhe te ujërave gjatë përmbytjeve që krijohen pas reshjeve me intensitet është në fokusin e grupeve të punës pranë agjensisë së shërbimeve publike të bashkisë Gjirokastër ku aktualisht po ndërhyjnë për rehabilitimin dhe ngritjen e një kanali me gjatësi 34 metra dhe krahas tij pritat përkatëse me qëllim parandalimin e vërshimit të mbetjeve në lagjen Dunavat i parë. Punonjësi pranë kësaj agjensie Drini Gjoni është shprehur se nëpërmjet kësaj pune po shmanget një problematikë e mbartur prej vitesh.