Këshilli i qarkut Gjirokastër vlerësoi me tituj nderi katër qytetarë të cilët prej shumë vitesh kanë dhënë kontribute të çmuara në fusha të ndryshme të jetës sociale dhe kulturore.
Kreu i këshillit të qarkut Lindita Rova nderoi me certifikatë mirënjohje klerikun dhe njëherazi poetin At Theodhori Nikolla si dhe mjeshtrin e njohur të çative gjirokastrite Shahin Kotroçi të cilët shprehen plot emocion për këtë nderim dhe vlerësim nga ky institucion.
Ndërkaq nga këshilli i qarkut u akorduan me titullin Nderi i qarkut për mjekun e njohur Dr.Filip Koti dhe shkrimtarin dhe njëherazi kryetarin e lidhjes së shkrimtarëve Pegasi Kristaq Shabani.