Zeqiri  Muça nga fshati Kamiçan i Elbasanit, sot 74 vjeçar,  pjesëmarrës në Festivalin Folklorik  të Gjirokastrës, po mbush 7 dekada që frymon në fyellin e drunjtë duke nxjerrë notat  muzikore të melodisë  popullore, kryesisht motivet baritore. Instrumentisti popullor , e trashëgoi pasion për fyellin nga të parët  e tij , dhe më pas mori duartrokitje e emocione në skenat brenda e jashtë vendit  . 

 Fyelli është ndër instrumetet popullore më të vjeteër të shqiptarëve. Meloditë baritore me fyej të gjatë e të shkurtër, nisën  në lendinat dhe bjeshkët e kësaj ane, kur bariu kulloste tufën e mbante krahas kërrabës dhe gëzofit teë leshtë,  edhe fyellin. Melodia e tij shoqëronte tufen në kullota e  stane.  Zeqiri jo vetem i bie fyellit, por instrumentin që e mban me vetë kudo që shkon,  e ka gdhendur vetë, nga druri i panjës. Edhe pse në dukje diçka e thjeshtë, fyelli ka artin e vet të bërjes nga një dru i zakonshem në instrument,  që prodhon melodi të këndshme.