Janë kthyer me qindra emigrantë Kraniotë në vendlindje, jo vetëm për Pashkët,por edhe për të kremtuar të Shenjtin e fshatit. Adelina Harisi, është infermierja e fshatit, anëtare e Këshillit të Bashkisë dhe Kryetare e Grupit të Grave në Këshillin e Qarkut Vlorë. Në këtë festë u kultivuan ritet, zakonet, tradita dhe folklori i fshatit. Pleqtë dhe plakat e fshatit u gëzuan qe u mbush shtëpia me djem e vajza, nipër e mbesa. Festa vazhdoi deri në orët e vona të ditës, me këngë nga grupi polifonik i fshatit, midis tyre dhe shumë emigrantë, si edhe me këngë e valle tradicionale nën tingujt e orkestrës popullore.