Gjirokastra në këto ditë festive nuk elektrizohet vetëm nga skena magjike e kalasë së festivalit por dhe nga rrugicat e sokaqet e kalldrëmta të pazarit ku ndihen tingujt e çiftelisë dhe veglave muzikore tradicionale të të gjitha trevave të vendit tonë. Teksa ecim nëpër pazarin e tejmbushur pikasim një grup artistësh nga Dibra e madhe të cilët elektrizuan atmosferën duke argëtuar qytetarët dhe turistët e shumtë që ndodheshin aty .Artistët shprehen të emocionuar që ndodhen në qytetin e gurtë pasi erdhën për herë të parë. Ata vlerësojnë Gjirokastrën si një vlerë për vendin tonë.
Qytetarët shprehen të mahnitur për atmosferën që Gjirokastra përcjell këto ditë me rastin e këtij festivali dhe se këto evente janë të domosdoshme pasi janë në dobi të gjallërisë së këtij qyteti